講到香港睇日落🌄，必定要數「西高山」，相信好多朋友都聽過，或者去過！我哋係1月嗰陣去，仲記得嗰日好凍，我哋係下午3點半到喺山頂廣場出發，經夏力道入去，之後見時間仲早，就喺西高山山腳位到食咗啲嘢醫下肚先，山腳上去觀景台大約半小時，不過帶住小朋友就預可能40分鐘，因為中間真係攰到要休息！
大約5點就上到西高山觀景台啦！其實唔算難行，因為真係純樓梯級，劻霖差唔多4歲行都ok！我哋上到去都不忘打下卡，大約5點半就開始見到個鹹蛋黃啦😍真係勁靚！大家都癲狂打卡影相📸️，我哋都好唔容易搵到個靚位影咗幾張相！因為日落開始入黑，天氣都開始凍！芊嶠同劻霖怕凍程度係，落山要戴手襪🧤+頸巾🧣😂不過唔好講笑，都真係幾凍🥶
因為山路係冇照明，我哋就算有帶電筒都擔心小朋友危險⚠️，所以我哋就決定早啲落山，我哋一路落山，都仍然有好多人上緊山，所以上落樓梯嗰到要好小心！好快我哋就返到落去，不過行返出山頂廣場都仲有一段路！我哋就決定再醫下肚，嶠爸仲好貼心，預先整咗細飯團🍙，一人一個頂下肚😘
出返山頂廣場其實可以行返原路走，不過我哋就想行另一條路出！行行下已經開始黑，呢個時候就係電筒出動嘅時候，班細路就最開心🥳雖然條路都有街燈，不過有啲位仍然好黑！呢條路一啲都唔短，都行咗45分鐘 (計埋我哋行下停下影相😂)，不過就睇到好靚嘅夜景🌃，香港嘅夜景真係好美❤️
🚌點去西高山🚌
可乘搭山頂纜車、巴士15、15B號，或小巴1號前往山頂，在山頂總站下車。
💡西高山落嚟嘅山路冇照明，大家要帶備電筒呀‼️
❌中途係無補給站❌
難度：1.5 ⭐️
長度：約4公里
時間：約1.5-2小時 (因應個人速度唔同都會唔同)
#行山記錄 #西高山 #西高山觀景台 #西高山日落 #親子行山記 #親子行山好去處 #初級行山路線 #芊嶠與劻霖行山日記
Search